Footer

Nurses, midwives, agbalin a katulongan ti gobierno probinsial para iti serbisio ti salun-at

VIGAN CITY – Tapno nasaysayaat pay ti pannakaipaay ti serbisio ti salun-at iti probinsia, agbalin a partner ti gobierno probinsial dagiti awanan panggedan a nurses ken midwives.

Kinuna ni Vice Governor Deogracias Victor Savellano a rumbeng a probetiaren ti kaadda dagiti awanan panggedan a nurses ken midwives tapno saan nga aglati ti kabaelanda ket makatulongda iti programa ti gobierno probinsial para iti pannakaipaay ti napimpintas a serbisio ti salun-at kadagiti umili.

Innayonna a makatulong dagitoy iti pannakaammo iti blood type dagiti residente ken pannakapaadda iti profile dagiti pamilia iti probinsia.

Nupay agparparang a boluntario ti panagserbida, no mayatda iti daytoy a programa ti gobierno probinsial, ken adda akem ken  pagrebbenganda iti pakaibonanda a barangay, adda met la maipaay a sueldoda, kinuna ni Savellano.

Impalgak ti bise gobernador a maad-adal dagiti pagannurotan tapno makapagserbi dagiti awanan panggedan a nurses ken midwives iti probinsia.#

Comments are closed.