Footer

Project Isem Year 9, maisayangkat

VIGAN CITY – Kas sagutna iti panagkasangayna, maangay manen ti Project Isem inton November 18, kinuna ni Diputado Ronald Singson.

Babaen ti nasao a proyekto, maisayangkat ti libre nga operasion para kadagiti ngongo wenno gusing.

Tinawen nga esponsoran ni Diputado Singson, daytoy ti maikasiam a tawen daytoy a proyekto a pakikannamayyetan ti Philippine Band of Mercy, Gabriela Silang General Hospital ken ti DWRS Foundation.

Segun ken ni Singson, imbes a gastuenna para iti panagkasangayna, isagutna laengen ti kuarta para iti libre nga operasion dagiti ngongo ken gusing.#

Comments are closed.