Footer

3 motorsiklo nainbolbar iti aksidente, 9 nasugsugatan

STO. DOMINGO, Ilocos Sur – Tallo a motorsiklo ti nainbolbar iti aksidente iti national highway a sakup ti Barangay Parada ditoy nga ili idi agsapa ti Nobiembre 5 a nakasugatan amin dagiti nagmaneho ken dagiti insakayda.

Naitaray dagiti biktima iti Magsingal District Hospital ken iti Metro Vigan Cooperative Hospital para iti pannakaagasda.

Iti panagimbestiga dagiti polis, agpaabagatan a direksion ti Sym Bonus X motorcycle a minaneho ni Nataniel Nunan y Tabangcura, 29, kasakayna da Marni Asuncion, ken ni Michael Tapo y Velasco, naasawaan. agpapadada amin nga agnaed iti Barangay Calay-ab idi nakidinnungpar iti nakasabatna a napaspas ti tarayna a Honda Wave 125 motorcycle a minaneho ni Edzel Tadena y Vega, 22, kasakayna da Alexis de Fiesta y Alejandro, 22, ken Meynard Joseph Silverio, 18, agpapada a babbaro ken residente iti Barangay Nagsupotan.

Mapapati a gapu iti kapardas ti napasamak, napilidan ti naggapu iti abagatan a direksion a Honda Wave X a minaneho ni Rojen Tanag y Tualla, 37, naasawaan, kasakayna da Crispin Refuerzo y Tubon, 32, baro, ken ni Joseph Tabangcura y Salcedo, 32, naasawaan, agpapada a residente iti Barangay Napo, Sto. Domingo ti Sym motorcycle.

Kas resulta, nagsagrap amin dagiti nagmaneho ken dagiti inliabarda kadagiti sugat iti nagduduma a paset ti bagida a puon ti nakayospitalanda.#

Comments are closed.