Footer

Dormitorio, nauram

VIGAN CITY – Mapapati a short circuit ti nakagapu iti pannakauram ti maysa a dormitorio iti Quirino Boulevard, Barangay Tamag ditoy siudad idi malem ti Nobiembre 5.

Agarup kagudua ti oras sakbay a nadepdep ti apuy a nanguram iti uppat kadsaaran a dormitorio a kukua ni Pedro Marzan iti Barangay An-annam, Bantay, Ilocos Sur ken imatmatonan ni Alvin Marzan y Fontejon, 21, baro, ken  residente met laeng iti nadakamat a barangay.

Iti pakpakauna nga inbestigasion, nangrugi ti uram iti agarup 1:10 ti malem iti Room 2 iti maikatlo a kadsaaran sa nagwaras kadagiti kaabayna a kuarto.

Awan ti naan-ano iti uram, segun ken ni  City Fire Marshall Floro Obredo.

Saan pay met nga ammo no mano ti balor dagiti nauram.#

 

Comments are closed.