Footer

Eksplosibo, insuko ti retirado a kameng ti Philippine Army

MAGSINGAL, Ilocos Sur – Insuko ti maysa a retired personnel ti  Philippine Army ti  maysa nga eksplosibo iti police station ditoy nga ili idi Nobiembre 7.

Kinuyog dagiti elemento ti Highway Patrol Group a nakabase iti Barangay Bulag, Bantay, Ilocos Sur nga indauluan ni Police Senior Inspector Gaudencio D. Diaz, Jr. ni Wilmar Sabado y Avila, 47, naasawaan, retired a kameng ti PA ken residente iti Barangay San Clemente, ditoy nga ili, a nangisuko iti maysa a 60mm mortar iti Magsingal Police Station.

Mapapati a naiyisio ti nasao nga eksplosibo ken ni Sabado idi adda pay la iti serbisio.

Naipaima ti eksplosibo iti Explosive Ordnance Division, Ilocos Sur PPO para iti maikanatad a disposision.#