Footer

Granada, nasarakan iti lote ti manadier ti banko

STA. CATALINA, Ilocos Sur – Maysa a granada ti nasarakan iti lote ti maysa a bank manager sadiay Barangay Poblacion, ditoy nga ili idi malem ti Nobiembre 6.

Nagreport iti polis da Francis Ripuyo y Palaso, 17, laborer ken residente iti Barangay Bayubay Sur, San Vicente, Ilocos Sur ken Roldan Rapanut y Raboy, 18 yrs, laborer ken residente iti Barangay Cabittaogan, Sta Catalina, Ilocos Sur, a nasarakanda ti nasao a fragmented hand grenade bayat ti panagdalusda iti bakante a lote ni Felipe Navarro y Somera, 65, retirado a manadier ti Philippine National Bank ken residente iti nadakamat a barangay.

Pinakaammuan a dagus da PSI Rodel Uclaray Ularte, OIC, ti EOD, Ilocos Sur PPO mainaig iti nasarakan dagiti trabahador a granada.

Innala ti EOD ti granada para iti umisu a disposision.#

Comments are closed.