Footer

Bay-am man pay la dayta nagngina a gatas, mare

No ngarud nasalun-at ti ubing, ad-adayo met laeng iti sakit— banag a pagaayattayo la unay a nagannak, ‘Mare. Aglalo ita ta panawen a maiparit ti agsakit (koma). Mabutbotan ti bolsa a kunada iti kinangina dagiti agas ken bayad iti doktor.

Mabalin a yaleng-alengtayo laeng ti benepisio nga itden ti gatas ti ina kadagiti ubbing, ‘Mare. Ngem panawen koman a kitaen, sanguentayo daytoy a banag. Aglalo ket saan la gayam a makapasalun-at kadagiti annaktayo ti gatas ti ina.

Iti maysa a panagadal idiay Brown University, naduktalan a dagiti ubbing a regular ti pannakapagatasda iti gatas ti ina, adayo a nalalaingda ngem kadagiti ubbing a  napaglaok a gatas ti ina ken komersialisado a gatas ti taraonda.

Nagpintas dayta a damag, saan kadi, ‘Mare? Asino met ngay ti madi a nalaing ti anakna? Nagganas sa itay ti umuli iti entablado ti pagadalan no kasta a panagririkep ti klase. Saan a magatadan ti ragsak a marikna no makaawat iti pammadayaw ti patpatgentayo nga anak. Umanay a bayad dagiti rigrigattayo a mangi-sakad iti panagbasada.

Madim pay dayta, ‘Mare? Makainutka la ngaruden iti kuarta, agbalin pay a nasalun-at ken nalaing ti anakmo!

Doble a kinaragsak!

Sublianta ti sukisok, ‘Mare. Magnetic resonance imaging (MRI) ti inusar dagiti nagsu-kisok tapno maadalda ti utek dagiti ubbing a nakaipakatan ti panagadal. Ngem sabali daytoy nga MRI ta nairanta a nadisenio a para ubbing.

Ket natakuatan a nangatngato ti panagdur-as ti utek nga adda pakainaiganna iti lengguahe, emosion ken kognitibo (maipanggep iti panagawat, talento, sirib) dagiti ubbing a solo gatas ti ina ti taraonda ngem kadagiti ubbing a napaglaok (komersial ken saan) ti gatasda.

Nagpintas dayta a damag, saan kadi, ‘Mare? Asino met ngay ti madi a nalaing ti anakna? Nagganas sa itay ti umuli iti entablado ti pagadalan no kasta a panagririkep ti klase. Saan a magatadan ti ragsak a marikna no makaawat iti pammadayaw ti patpatgentayo nga anak. Umanay a bayad dagiti rigrigattayo a mangisakad iti panagbasada.

Madim pay dayta, ‘Mare? Makainutka la ngaruden iti kuarta, agbalin pay a nasalun-at ken nalaing ti anakmo!

Doble a kinaragsak!

Sublianta ti sukisok, ‘Mare. Magnetic resonance imaging (MRI) ti inusar dagiti nagsukisok tapno maadalda ti utek dagiti ubbing a nakaipakatan ti panagadal. Ngem sabali daytoy nga MRI ta nairanta a nadisenio a para ubbing.

Ket natakuatan a nangatngato ti panagdur-as ti utek nga adda pakainaiganna iti lengguahe, emosion ken kognitibo (maipanggep iti panagawat, talento, sirib) dagiti ubbing a solo gatas ti ina ti taraonda ngem kadagiti ubbing a napaglaok (komersial ken saan) ti gatasda.

Iti sabali met a panagadal, daytoy nga abilidad ti gatas ti ina ket maigapu iti ramenna a maaw-awagan iti long-chain polyunsaturated fatty acids wenno LCPUFAs.  Dagitoy a fatty acids ti kasapulan ti utek tapno tumadem.

Agurayka, ‘Mare, sakbay nga ibbatam daytoy basbasaem tapno sanguemon ni beybi ket ipaaymon kenkuana ti ipapaidammo a taraonna, adda pay sabali nga ibagak. Isu a dika kad’ pay tumaktakder, a.

Malaksid a sumirib ti ubing a gatas ti ina ti taraonna iti panagdakkelna, natakuatan pay a saanto a mailupitlupit iti sosiedad. Addaanto iti tibker a makirupak, makigubal kadagiti adda iti aglawlawna. Dinanto ipalubos nga imamegda ta ammonanto ti pagtaktakderanna.

Dagiti pay kano ubbing a nataraonan iti gatas ti ina, kaaduan kadakuada ti adda iti nangato a puesto iti sosiedad.

Saan nga adayo a kasta, a, ‘nia, ‘Mare, ta nasiribda ngarud?

Ken dagitoy pay nga ubbing, nalakada laeng a parmeken ti stress a dumtengto iti biagda.

Ne, madika pay, ‘Mare,  kadagita a nainayon, naduktalan a benepisio a maala ti ubing iti panagpasusom?

Ibuntokko payen ditoy ‘tay nasingedto a langenlangenyo nga agina gapu iti bara ti barukongmo a nagimenganna bayat ti panagdakkelna. Ammok nga ammom daytoyen ngem ipalpalagipko laeng.

Ala, mapanka ngaruden ken ni beybim, ‘Mare, ta kastaak met. Agkitatanto laengen iti entablado ti pagadalan no madandanon ti panawen.#

Comments are closed.