Footer

Dati a konsehal, napang-or iti tugaw

BANAYOYO, Ilocos Sur – Maysa a dati a konsehal ti naiyospital gapu ta napang-or babaen ti monoblock chair sadiay Barangay Casilagan Norte ditoy nga ili idi parbangon ti Nobiembre 9.

Naitaray ni Henry A. Eleccion, 56, retirado a polis ken dati a konsehal ti San Esteban, Ilocos Sur, ken residente iti Barangay Cabaroan, San Esteban iti Candon General Hospital, gapu iti panangpang-or kenkuana  Randy
Galimba y Bongolan, 31, baro, ken residente iti Barangay Casilagan Norte, Banayoyo, Ilocos Sur iti monoblock chair.

Sakbay ti insidente, mapapati a nagriri da Eleccion ken ti live-in partnerna a ni Gladyz Galimba ket rimmuar ti biktima iti balayda tapno agpalamiis.

Pagammuan, nagparang ti suspek a mapapati a nakainom ket pinang-orna ni Eleccion iti monoblock chair a nagsagrapan daytoy kadagiti sugat iti makannigid a takiagna.

Naglibas ti suspek kalpasan ti insidente.

Iti pannakaisurat daytoy, madama ti inbestigasion no adda pakainaigan ti pannakapang-or ti konsehal iti panagririda iti kalib-inna.#

 

Comments are closed.