Footer

BANNER NEWS: Masuspetsa a drug den, sinukisok dagiti polis, 8 tattao, naaresto

VIGAN CITY – Kas panangipakatda iti naing-inget a kampania maikontra iti illegal a droga, walo a tattao ti inaresto dagiti police operatives iti insayangkatda a search operation iti maysa a masuspetsa a drug den iti Barangay Ayusan Norte ditoy siudad idi sardam ti Nobiembre 18.

Inaresto dagiti polis da Fennie Salimao y Arruejo, 29, awanan asawa; Jesmael Arruejo Reprima @ Ismael Arruejo, 16, awanan asawa; Jean Torres Mabaga  @ Nicole Jane Arruejo, 18, awanan asawa; Edgar Arruejo y Manahan, 60, naasawaan; Lenie Ponyong Isik, 23, awanan asawa; Mark J-Ar Bisensio Yacap, 27, naasawaan; ken Zyrise de Vera Alvares, 23, awanan asawa, residenteda amin  iti Barangay Ayusan Norte, Vigan City; ken Robin Tajon y Martinez, 20, baro, residente iti Barangay Puro, Magsingal.

Nagtipon ti elemento ti Vigan City police station nga indauluan ni Police Inspector Glenn M. Dulag, PDEA ISSET 1, PAIDSOTG ken ISPPSC a nangiwayat iti panagsukisok iti pagtaengan ken aglawlaw ti balay ni Salimao idi 8:45 ti sardam ti Nobiembre 18 babaen ti Search Warrant No. 17.

Nakakumpiska dagiti polis iti balay ni Salimao iti small transparent plastic sachet a mapapati a nagkarga iti shabu a naikabil iti uneg ti maysa a pusporo ken 95 a babassit a  transparente a plastic sachets.

Iti dayta met la a sardam, iti agarup 8:45, imet ti nagtitipon nga elemento ti PDEA ISSET, PAIDSOTG ken Vigan City police station nga indauluan ni Police Chief Inspector Sosimo R. Racho ti Search Warrant No. 18 a pinirmaan ni Judge Francisco Ante, Jr. ti MTCC, Vigan City a nagsukisok iti balay da Jesmael Arruejo Reprima @ Ismael Arruejo, ken Jean Torres Mabaga @ Nicole Jane Arruejo a nakakumpiskaanda kadagiti sumaganad: 5  a nagduduma ti kadakkelda a heat sealed plastic sachets a naglaon iti mapapati a shabu, maysa a glass tooter, maysa a getteng, 2 nga improvised plastic sachet drug paraphernalia, 2 lighters, 2  bundles a plastic sachet, maysa a bamboo paraphernalia, bassit a narolio nga aluminum foil a naikabil iti plastic sachet, maysa a camera bag,  maysa a coin purse, maysa a wallet color pink, maysa a rolled aluminum foil, 15 a sag-P100.00, 2 a sag-P20.00, maysa a P500.00, maysa a P200.00, maysa a $50.00, 4 a selpon,  ken maysa a  caliber .22 (paltik) nga addaan iti 5 live ammos.

Nairaman a naaresto ti tallo a tattao a naapput dagiti polis iti nadakamat a lugar a pakairamanan da Lenie Ponyong Isik, Mark J-Ar Bisensio Yacap, ken Zyrose de Vera Alvares.

Sabali pay a grupo dagiti polis a pakaibilangan met laeng ti Vigan City Police Station, PDEA ISSET 1, PAIDSOTG ken ISPPSC ti nagsukisok idi agarup 9:00 iti dayta met la a sardam ti Nobiembre 18 iti balay ni Analiza dela Rosa, babaen ti Search Warrant No. 19 ngem negatibo ti resultana.

Nupay kasta, bayat ti panagsukisok dagiti polis, nakakumpiskada iti dua a babassit a plastic sachet a mapapati a nagkarga iti shabu ken 6 a pedaso ti babassit a narolio nga aluminum foil iti ikut ni Robin Tajon y Martinez a nasalamaanda iti uneg ti balay.

Positibo met ti panagsukisok ti sabali pay a grupo dagiti operatiba manipud met laeng iti Vigan City Police Station, PDEA ISSET 1, PAIDSOTG ken ISPPSC iti balay ni Edgar Arruejo y Manahan, ket nakakumpiskada iti 12 pedaso nga small heat sealed transparent plastic sachets a naglaon iti masuspetsa a shabu, maysa a pouch a maris asul, maysa a transparent plastic sachet, maysa nga stainless scissors, maysa a nangisit a leather wallet, maysa a plastic transparent sachet a nagkarga iti  4 plastic transparent sachets a maar-aramat para repacking, 4 a sag-P100.00, 11 a sag-P20.00, maysa nga anteohos, 5 a lighter iti nagduduma a kolor, maysa nga improvised stick, maysa a narolio nga  aluminum foil, maysa a nakupin nga aluminum foil ken 9 a naaramat ken naluklukot nga aluminum foils.

Segun dagiti nagsukisok, naurnos ti pannakaiwayat dagiti panagsukisok ken inimatangan dagiti barangay officials ti Ayusan Norte ken kameng ti media.

Naisayangkat dagiti panagsukisok babaen ti direkta a superbision ni Police Senior Supt. Jemar D. Modequillo,  OIC-ISur PPO.#

Comments are closed.