Footer

Lalaki, aksidente napaltoganna tumengna

MAGSINGAL, Ilocos Sur –  Saan nga abalbalay ti paltog a pagay-ayaman ta posible a pakagudasan.

Leksion daytoy ni Jojo Barota y Pasco, 16, out of school youth, ken residente iti Sitio Dupit, Barangay Maratudo, ditoy nga ili, gapu ta aksidente a napaltoganna ti tumengna idi inay-ayamna  ti maysa a paltog idi malem ti Nobiembre 20.

Naammuan iti panagimbestiga dagiti polis nga idi agarup 2:15 ti malem ti nadakamat a petsa bayat ti panaginana ti biktima ken dagiti kalugaranna a da Ronnel Pasco Urro, Lenmar Umbay Urro ken Aquilino Umbay Urro kalpasan ti panagtrabahoda iti kabakiran ti nadakamat a sitio,  inay-ayam ni Barota ti short gauge 12 a paltogna ngem aksidente daytoy a pimmutok a nakatiruan ti makannawan a tumeng ti biktima.

Naitaray ti biktima iti Gabriela Silang General Hospital tapno maagasan ti dunorna.#

Comments are closed.