Footer

Pannakaipasdek smoking, non-smoking area, naipalagip

MAGSINGAL, Ilocos Sur – Naipalagip kadagiti kameng ti sangguniang bayan ti panangitudingda iti maitutop a lugar a pagsigarilioan ditoy nga ili.

Impalagip ni Municipal DILG Officer Piano kadagiti konsehal a mangikabilda koma iti karatula kadagiti madesignaran a publiko a lugar kas smoking area ken non-smoking area tapno ammo dagiti mannagarilio wenno agtabtabako dagiti lugar a maipalubos wenno maiparit a pagsigarilioanda.

Segun kadagiti autoridad ti salun-at, uray dagiti saan nga agsigsigarilio, kaarigda met la ti nagsigarilio no makalang-abda iti asuk manipud kadagiti agsigsigarilio.

Innayon pay ti DOH, a napegpeggad iti salun-at ti secondary smoking wenno pannakalang-ab iti asuk manipud iti maysa nga agsigsigarilio.#