Footer

Bakbaka, naireport nga agsakit iti trangkaso

CAOAYAN, Ilocos Sur – Kangrunaan a sakit ti baka ditoy nga ili ti ephemeral fever wenno trangkaso, segun iti report ti livestock inspector itay nabiit.

Kinuna ni Livestock Inspector Oswald Tongson a manipud pay idi Enero daytoy a tawen, addan kadagupan a 54 a baka a nagsakit iti ephemeral fever.

Itudtudo ni Tongson ti panagbaliwbaliw ti tiempo a makagapu iti panagtrangkaso dagiti baka.

Nupay kasta, awan pay ti naireport a natay a baka gapu ta masigud a maagasan dagitoy, kinuna ni Tongson.

Kangrunaan a simtoma ti baka nga agsakit iti ephemeral fever ti panagmamayo ken saanna a pannakakaan.#