Footer

Luglugan ti munisipio, maigaraheda iti sanguanan munisipio

 

CABUGAO, Ilocos Sur – Tapno maaywanan ken agpautda, saan a maiyaw-awid dagiti luglugan ditoy nga ili no di maigaraheda amin iti sanguanan ti munisipio ken iti motorpool.

Naammuan ti Tawid News itay nabiit a no saan a maaramat ti van ken dua a pick-up a lugan ti munisipio, maigaraheda iti sanguanan ti municipal hall.

Maigarahe met ti ambulansia iti sanguanan ti RHU, kasta met dagiti heavy equipment iti motorpool no saanda a maaramat. Uray ti Lakbay-Aral Bus, maigarahe iti asideg ti motorpool office no di mausar ngem no adda pakaaramatanna, rabii pay laeng sakbay ti panagbiahena, maiparkingen iti sanguanan ti munisipio.

Idi katugtugaw ni Mayor Edgardo S. Cobangbang, Jr., nasangpetanna a dadael amin dagiti lugan ti munisipio.#

Comments are closed.