Footer

Natakaw a motorsiklo, narekobre

 

STA. CATALINA, Ilocos Sur – Mapapati a nakursunadaan dagiti di nabigbig a suspek nga intaray ti motorsiklo ti maysa a residente iti Barangay Sinabaan ditoy nga ili sada imbati iti kaparanget nga ili.

Nagreport iti polis ni Teofilo Cabalo, Jr. y Raguindin, residente iti Barangay Sinabaan ditoy nga ili, a mapukpukaw ti motorsiklona nga imbatina iti nadakamat a lugar idi agarup 11:30 ti rabii ti Nobiembre 25 ket idi sublienna awanen daytoy iti naakaikabilanna.

Idi agarup 7:45 ti bigat, nasarakan dagiti nagtipon nga elemento dagiti polis ti Sta. Catalina ken San Vicente ti motorsiklo a naabandona iti di matatao a lugar sadiay Barangay Bantaoay, San Vicente ket impanda iti police station ti Sta. Catalina.#

Comments are closed.