Footer

Lalaki, binagsol ti kayongna

SANTA, Ilocos Sur – Dati a susik a pinabara ti arak ti nakaigapu iti daytoy pammagsol a napasamak iti Barangay Magsaysay District idi sardam ti Enero 6.

Nainaganan ti biktima a ni Rommel Suyat y Ciubal, 32, naasawaan, ken ti suspek a ni Primitivo Molina, Jr. y Lozano, 42, naasawaan, ken agpada a residente iti nadakamat a barangay.

Sakbay ti insidente, naggiinom da Suyat ken Molina iti balay ti naud-udi ket idi nabarteken ti biktima, kinaritna ti suspek maigapu iti dati a susikda.

Nangala ni Molina iti imuko sana binagsol ti kayongna.

Boluntario a simmuko ti suspek iti polis. Narekobre ti naaramat nga imuko ket adda daytoyen iti kustodia ti polis.#