Footer

2 trabahador, nasukalan a nagtakaw sangakaban nga irik

MAGSINGAL, Ilocos Sur – Dua a tao ti nasukalan a nagtakaw iti sangakaban nga irik iti bodega ti akinkukua ti refreshment parlor a pagserserbianda.

Nagpulong iti polis ni Recy Cuaresma y Garcia, 47, naasawaan, ken residente iti Barangay Sta. Monica, ditoy nga ili ken akinkukua iti Recy Refreshment and Warehouse, a dua a trabahadorda ti nasukalan a nagbagkat iti sangasako nga irik manipud iti bodegada.

Segun ken ni Cuaresma, agturong ida Virgilio Tablac y Mabugqay, 27, son-in-law ti baket, ken ti asawana iti bodega  idi nasalamaanda da Jerry Tuquib y Soliven, 38, baro, ken Jennifer Tuquib y Bacer, 24, naasawaan, agpada a residente iti Barangay Macatcatud, a nagbagkat iti sangasako nga irik ket iluganda koman iti serbisda a motorsiklo.

Naipan dagiti dua a suspek iti police station para iti maikanatad a dokumentasion ken disposision.#

 

Comments are closed.