Footer

Baka, mabalinen a mapasumpitan iti BaRangay demofarm

SAN JUAN, Ilocos Sur – Saan laengen a nuang ti mapasumpitan iti BaRangay demo farm no di pay dagiti baka, segun iti project coordinator ditoy itay nabiit.

Kinuna ni Dr. Cesar Soller, coordinator iti nasao a demofarm nga idi damo ket nuang laeng ti mapaspasumpitan iti demofarm ngem agsipud iti tarigagay da Gov. Ryan Singson ken Vice Gov. Deogracias Victor Savellano a ngumato met ti puli dagiti baka iti probinsia isu a nangtreningda iti teknisian a mangsumpit kadagitoy a taraken ken gimmatangda iti semilia ti hybrid a nuang ken baka.

Kinuna ni Soller a mabalinen dagiti adda tarakenda a baka ken nuang ti mapan agpaiskediul iti pannakasumpit kadagitoy lalo iti panawen a nalakada a makaala iti alud.

Naammuan ken ni Soller a libre ti pannakasumpit dagiti baka ken nuang kas paset ti programa ti agrikultura ti gobierno probinsial.#

 

Comments are closed.