Footer

Mannalon, nabagsol bayat ti drinking spree

SINAIT, Ilocos Sur – Natay iti ospital a nakaitarayanna ti maysa a mannalon a binagsol ti kalugaranna a mannalon bayat ti panaggiinomda sadiay Barangay Duyay-yat, ditoy nga ili idi alas tres ti parbangon ti Enero 14.

Pimmusay ni Juddie Igayac y Juson, 32, baro, mannalon, bayat ti pannakatamingna iti Mariano Marcos Memorial Hospital, Batac City. Immuna a naipan ti biktima iti Corpuz Clinic and Hospital sakbay a naitaray iti MMMH.

Mapapati a naaddaan iti nabara nga argumento da Igayac ken ni Mariano Pio y Igayac, 63 a kalugaranna met laeng, bayat ti panaggiinomda kada Fernando Icalla y Ilustre, 61, ken Edison Ilaban, residente iti Barangay Macabiag iti kalapaw ni Icalla.

Mapapati a bimmunot ti suspek iti imuko sana binagsol ti tian ti biktima.

Nangiwayat dagiti polis nga indauluan ni OIC Police Chief Inspector Greg Guerrero, iti hot pursuit operation a nagtungpal iti pannakaaresto ni Pio.#