Footer

Motorsiklo, natnag iti waig, back rider, natay

CERVANTES, Ilocos Sur – Pimmusay iti ospital ti maysa a baro gapu iti pannakaaksidente ti luganda sadiay Barangay Rosario ditoy nga ili idi malem ti Enero 12.

Natay ni Andre Aguirre y Capacap, 27, residente iti Barangay San Juan, Cervantes, iti Luis Hora Memorial Hospital sadiay Bauko, Mt. Province gapu kadagiti nagduduma a sugatna iti bagina.

Naitaray met iti daytoy nga ospital ni Karl Mark Galutan y Padon, 29, naasawaan, residente iti Barangay Rosario, Cervantes ken nagmaneho iti Honda XRM a motorsiklo a nakisakayan ni Aguirre.

Segun iti report, agdaldaliasat ti motorsiklo iti laud a direksion iti kalsada ti Cervantes-Tagudin ket idi makadanonda iti Sitio Salugan, Barangay Rosario, mapapati a dinungpar ti lugan ti steel railings a nakaigapuan ti pannakatnag dagiti dua iti waig idinto a naitapuak ti luganda iti talon.#

Comments are closed.