Footer

Multicab, insagut ti Makati iti Caoayan LGU

CAOAYAN, Ilocos Sur – Insagutan ti Makati City government ti lokal a gobierno ditoy iti multicab, daytoy ti impakaammo ni Mayor Germie Singson-Goulart  itay nabiit.

Kinuna ti mayora nga insagut ti Makati City ti multicab kas pammasingkedna iti resolusion ti LGU Caoayan a panagbalinna a sister town ti nasao a siudad.

Segun iti mayora, maisayangkat koma ti panagpinnirma iti sisterhood agreement iti nagbaetan ti Caoayan ken Makati idi Oktubre idi napan a tawen ket bumisita koma ditoy nga ili ti delegasion ni Mayor Jejomar Erwin Binay, Jr. ngem naitantan gapu iti ginggined iti Bohol ken iti panangdidigra ni Bagyo Yolanda iti Kabisayaan.

Mangnamnama ni Goulart a maangay met la ti panagpipinnirma iti Caoayan tapno ad-adda pay a napnuan kaipapanan ti panagbalin ti Makati a sister city ti ilina.

Kinuna ti mayora a mainayon ti multicab a service vehicle a maaramat dagiti opisial ti lokal a gobierno ditoy no adda dar-ayanda a seminar wenno taripnong wenno agpasiarda kadagiti barangay.#

Comments are closed.