Footer

Output ti ELA, napagmaymaysa

VIGAN CITY – Babaen ti panangidaulo ti Provincial Planning and Development Office, naukkon tapno mapagmaymaysa amin nga output dagiti amin nga opisina ken ahensia a nakipagpaset iti Executive Legislative Agenda Formulation ti gobierno probinsial ti Ilocos Sur (2013-2016).

Segun ken ni Provincial Planning and Development Coordinator Dr. Enrie A. Mendoza II, agbalin ti naaramid a libro a giya ti probinsia bayat ti tallo a tawen wenno iti umuna a termino ni Gov. Ryan Luis Singson.

Kinuna ni Mendoza a mismo nga isuna ti mangtutok iti pannakaurnos dagiti outputs babaen ti saggaysa a pannakitaripnongna kadagiti nadumaduma a sektor agingga a maipinal dagiti strategy maps ken balanced scorecards.

Malaksid kadagiti para iti kapitolio, adda pay maisubmitir  a kopia iti Department of Interior and Local Government (Ilocos Sur) ken National Economic and Development Authority (NEDA) Region I.

Iti mensahe ni Gov. Singson a naipalaon iti ELA output, kinuna ti gobernador a kasapulan ti agtultuloy a panagdur-as tapno maragpat ti de kalidad a biag dagiti agindeg. (Manipud iti PPDO-Ilocos Sur)

Comments are closed.