Footer

Nasapa a nagmula iti tabako, aglakodan

SAN JUAN, Ilocos Sur – Addan dagiti agmulmula iti tabako nga aglaklakon iti maysa a trading center ditoy nga ili.

Naammuan nga aggatgatangen iti naluton a bulong ti tabako ti Union Leaf Philippines Inc. kadagiti mannalon a kinatulagna babaen ti contract growing nupay saan pay a nanglukat.

Segun iti maysa nga trader, nupay aglukatto pay laeng ti ULPI inton  Pebrero, rinugiannan ti aggatang iti bulong ti tabako kadagiti kinakontratana a mannalon.

Agsipud ta awan pay ti naituding a presio dagiti mailako a naluto a bulong ti tabako, maidepositoda pay laeng iti trading center ken partial laeng ti maibayad kadagiti agdeliber a mannalon.

Adu dagiti mannalon iti San Juan ken Magsingal ti nasapa a nagmula iti tabako kas insingasing ti National Tobacco Administration agsipud ta maabutanna ti kalamiis ti tiempo.

Segun iti maysa nga opisial ti NTA, naingpis ken napimpintas ti mapatanor a bulong ti tabako no nalamiis ti tiempo.#

Comments are closed.