Footer

2 Paltog, droga, nakumpiska iti nasukisok a balay

STA. MARIA, Ilocos Sur –  Dua a paltog, droga ken ramramit a maar-aramat iti droga ti nasamsam dagiti polis iti insayangkatda a search operation iti maysa a balay sadiay Barangay Laslasong, Sta. Maria ditoy nga ili idi agsapa ti Pebrero 4.

Nainaganan ti nasukisok ti balayna a maysa a Robert Franco @Taquio, residente iti nadakamat a barangay.

Nakasamsam dagiti polis iti uppat a heat sealed plastic sachet a naglaon iti mapapati a shabu nga agdagsen iti 22 grams pakairamanan ti plastic sachet, maysa a plastic sachet a nagkarga iti residue, 2 weighing scale, kuarta nga aggatad iti P4,940.00 iti nadumaduma a denominasion, maysa a  cal .45 nga Armscor, addaan SN-954945 ken magasin a nagkarga iti lima a bala,  maysa a  cal .357 revolver a nagkarga iti 6 a bala ken maysa nga improvised burner.

Sinaksian dagiti barangay officials ti panagsukisok dagiti polis.

Naipan ti suspek agraman dagiti nakumpiska iti balayna iti police station para iti dokumentasion ken disposision.#

Comments are closed.