Footer

Bangkay ti bakla, nasarakan

NARVACAN, Ilocos Sur –  Maysa a bangkay ti lalaki ti nasarakan iti pagbasuraan iti igid ti baybay a sakup ti Barangay Turod, ditoy nga ili idi bigat ti Pebrero 6.

Nabigbig ti biktima a ni Rommel Cabrera y Reyes, 24, baro, bakla, ken residente iti Sitio Namnama, Barangay Orence, ditoy nga ili.

Segun iti report, maysa nga Edgar Escobar y Obrero, 46, naasawaan, empleado iti Bureau of Post iti Narvacan, ken residente iti Sitio Namnama, Barangay Orence, ti personal a nangireport iti nasao nga insidente iti polis.

Iti panagimbestiga ti SOCO Team ti Ilocos Sur Provincial Police Office, nagsagrap ti biktima kadagiti bagsol iti nadumaduma a paset ti bagina.

Nakasarakda pay iti losion, nalukatan a kalub ti kondom, anteohos, ken maysa a kuentas.

Naipaautopsia ti bangkay iti maysa a puneraria iti Narvacan.

Saan pay nga ammo ti motibo ken no asino dagiti nangpatay iti bakla.#

Comments are closed.