Footer

BANNER NEWS: Cabugao, kasiglatan nga ili iti Siglat Awards ti Kannawidan Ylocos Festival

BANTAY, Ilocos Sur – Pinadayawan ti gobierno probinsial ti Cabugao a kasiglatan nga ili kas maysa a tampok nga aktibidad ti Siglat Awards ti Kannawidan Ylocos Festival a naangay iti Quirino Stadium idi malem ti Pebrero 3, 2014.

Iti panangiyalat ti Cabugao iti kampeonato, duapulo ket dua nga entries ti naipangabakna iti umuna a gunggona, 9 iti maikadua a gunggona ken maysa a maikatlo a gunggona.

Indauluan ni Mayor Edgar S. Cobangbang, Jr. dagiti municipal ken barangay officials ken kakailianna nga immawat iti pammadayaw manipud kadagiti provincial officials iti panangidaulo da Gov. Ryan Singson ken ni Vice Gov. Deogracias Victor Savellano.

Nagyaman ni Cobangbang kada Singson ken Savellano gapu kadagiti impaayda a suporta iti Cabugao.

Pinadayawanna met dagiti barangay officials ken kakailianna gapu iti panagtutunos ken panagkikinnamayetda a nangsappuyot kadagiti programa ken proyekto ti gobierno munisipal nga idauluanna para iti pannakaidur-as ti panagbiag dagiti kakailianna.

Dagiti sumaganad ti nangabakan ti Cabugao iti umuna a gunggona: Most Healthy Barangay – Brgy. Pug-os; Best in Nutrition Program Implementation – Brgy. Pug-os; Best in Solid Waste Management – Brgy. Bonifacio; Best in Coastal Resource Management – Brgy. Dardarat; Best in Agricultural Productivity – Brgy. Turod Patac; Best in Fish Production & Aqua Culture Development (Large Scale) – Brgy. Salomague; Best Performing Barangay – Brgy. Pug-os; Outstanding Sangguniang Barangay – Brgy. Pug-os; Outstanding Punong Barangay – Brgy. Pug-os; Best in Barangay Tree Park – Brgy. Lipit;  Best in Gender and Development Program Implementation – Brgy. Pug-os; Best in PWD Program Implementation – Brgy. Bonifacio; Best in Fish Production & Aqua Culture Development – Brgy. Dardarat; Best in Organic Farming Program Implementation – Brgy. Pug-os; Outstanding Barangay Based Cooperative – Brgy. Sagayaden;  Outstanding Farmers Association – Brgy. Bungro; Outstanding Fishermen’s Association – Brgy. Namruangan; Most Outstanding Bantay Dagat – Brgy. Dardarat; Outstanding 4-H Club – Brgy. Bonifacio;  Outstanding RIC – Brgy. Nagsantaan; Outstanding Barangay Health Worker – Brgy. Carusipan; Lupong Tagapamayapa – Brgy. Pug-os.

Dagiti sumaganad dagiti nagun-odna a first runner-up: Most Child Friendly Barangay – Brgy. Bonifacio; Best Innovative Practice – Brgy. Dardarat; Best in Barangay Intensive Gardening – Brgy. Pug-os; Best in Barangay Herbary – Brgy. Pug-os; Most Functional BADAC – Brgy. Aragan; Best in Elderly Welfare Program Implementation – Brgy. Bonifacio; Best in Youth Development Program Implementation- Brgy. Bonifacio; Best in Sports & Physical Development Program Implementation – Brgy. Bonifacio; Outstanding Barangay Secretary – Brgy. Pug-os; ken 2nd runner-up: Best in Tourism Promotion – Brgy. Dardarat.#