Footer

Best booth dagiti OTOP, immawat iti gunggona

VIGAN CITY – Walo nga ili ditoy probinsia ti immawat iti gunggona gapu iti pannakapili a kapintasan ti booth a nagidispleyanda kadagiti produktoda bayat ti Kannawidan Ylocos Festival a naangay iti Quirino Stadium idi Enero 29-Pebrero 4, 2014.

Immawat iti sag-P5,000.00 a gunggona ti Sta. Catalina a nakagun-od iti maikawalo a puesto, Santa, (maika-7),  Magsingal (maika-6), idinto a sag-P15,000.00 ti San Vicente ken Caoayan (nagtabla iti 4-5).

Nagun-od ti Suyo ti maikatlo a puesto ket nagunggonaan iti P30,000.00; maikadua a gunggona ti San Juan (P40,000.00) ken napili a best booth ti San Ildefonso ket inyawidna ti P50,000.00.

Iti booth dagiti ili ken siudad ti nakaidispleyan dagiti kangrunaan a produktoda a nangawis kadagiti adu a naggatang.

Immadu dagiti ili a nagipatakder iti booth gapu iti awis ni Gov. Ryan Singson nga ad-adu koma pay nga ili ti makipartisipar kadagiti aktibidad iti Kannawidan Festival.#

Comments are closed.