Footer

5 prangkisa ti traysikel, nakansela

VIGAN CITY –  Lima manen a prangkisa dagiti traysikel ti inrekomenda ti comittee on public utilities a makansela iti naudi a session ti sangguniang panlungsod ditoy siudad.

Segun ken ni Konsehal George Villanueva, iti bulan ti Hunio ken Hulio 2013, tallo a prangkisa ti traysikel iti Vigan ti makansela, maysa iti Caoayan, ken maysa iti Sta. Catalina agsipud ta saan a pinabaro dagiti akinkukua kadagitoy, dua a bulan kalpasan ti panagpasoda.

Kas sungbat ni Villanueva iti query ni Konsehal Constante Benzon no mabalin dagitoy tricycle owners ti agapela, kinunana a dagiti prangkisa ket pribiliheo, saan a kalintegan, a maipapaay kadagiti constituents ket kasapulan a suroten dagiti rules and regulations mainaig iti operasionda.

“No saanda a sumurot iti paglintegan ken regulasion, awan ti alternatibotayo no di kanselaren ti prangkisada,” inlawlawag ni Villanueva iti sangguniang panlungsod a ni Vice Mayor Lourdes Baquiran ti nag-preside.

Inadaptar ti sangguniang panlungsod ti nasao a committe report.#

Comments are closed.