Footer

Illegal recruiter, naaresto

MAGSINGAL, Ilocos Sur – Natiliw iti manhunt operation ti maysa a lalaki a sumangsango iti illegal recruitment sadiay Barangay Miramar ditoy nga ili idi aldaw ti Pebrero 7.

Inaresto dagiti elemento ti Magsingal Police Station nga indauluan ni Senior Inspector Jaime Navarro Laguesma, OIC, ni Gilbert Preza y Gorospe, 49, naasawaan, ken residente iti nadakamat nga aldaw babaen ti warrant of arrest nga inyisio ni Judge Nida Bringas Alejandro ti Regional Trial Court, First Judicial Region, Branch 24, Cabugao, Ilocos Sur.

Sumangsango ni Preza iti kaso a syndicated illegal recruitment iti babaen ti Criminal Case No. 3025-KS ket awan ti nairekomenda a piansana para iti temporario a pannakawayawayana.

Iti pannakaisurat daytoy, Nakakustodia ti akusado iti police station ditoy.#

Comments are closed.