Footer

Motorista, nakapilid iti aso, naikras

GALIMUYOD, Ilocos Sur – Bimmallasiw nga aso ti nakagapu iti pannakaikras ti lugan daytoy motorista iti kalsada ti Candon-Salcedo a sakup ti Barangay Patac ditoy nga ili idi malem ti Pebrero 9, 2014.

Immuna a naitaray iti Candon City Hospital ni Jhun Sumacyab y Del Rosario, 36, naasawaan, katulong, ken residente iti Barangay Bidbiday, ditoy nga ili, sa naiyalis iti Regional Hospital, San Fernando City, La Union gapu kadagiti sugatna.

Iti panagimbestiga dagiti polis, agdaldaliasat ti biktima iti nadakamat a lugar a nakalugan iti Black Euro motorcycle idi aksidente a nadungparna ti maysa nga aso a puon ti nakapukawan iti kontrolna iti manibela ket naikras iti kalsada.

Awan ti helmet ti biktima ken mapapati a nakainom idi maaksidente.#