Footer

Multi-level parking a pasdek, proyekto ti Vigan City gov’t ita a tawen

VIGAN CITY – Kas sungbatna iti problema ti trapiko nangruna iti puseg ti siudad, maysa kadagiti kangrunaan a proyekto ti gobierno ti siudad ita a tawen ti pannakaipasdek ti maysa a multi-level a pagparkingan.

Kinuna ni Mayor Eva Marie S. Medina a maysa a dakkel a proyekto ti gobierno nga idadauluanna iti 2014 ti pannakaipatakder ti multi-level parking tapno masungbatan ti problema ti trapiko dagiti lugan iti siudad ti Vigan.

Innayon ti mayora a maprosproseson ti loan manipud iti Municipal Development Fund Office, agsipud ta malaksid a nababbaba ti porsiento ti mautang ditoy, at-atiddog pay ti spreadna a tawen, ken adda pawaywayna bayat ti pannakaipatakder ti pasdek ti parkingan.

Maipatakder ti multi-level parking iti napuoran idi a tiendaan publiko ti Vigan, addaanto kadagiti pagtagilakuan iti aglawlawna agingga iti maikapat a kadsaaran ngem puro a pagparkingan iti tengngana.#

Comments are closed.