Footer

3 mannurat, naipaayan iti NBDB grant para iti nobela

MANILA – Tallo nga Ilokano a mannurat ti impaayan ti National Book Development Board (NBSB) iti grant para iti panagsuratda iti nobela.

Naipaayan iti sag-P200,000.00 a grant a mangsurat iti nobela da Sherma E. Benosa, Linda Lingbaoan-Bulong ken Ariel S. Tabag babaen ti 2013 National Book Development Trust Fund.

Napauluan iti “Bantay Asin” ti suraten ni Benosa a nobela, “Kalinawa” ken ni Lingbaoan-Bulong, ken “Panangsapul iti Puraw a Kabalio” ken ni Tabag.

Maikkan dagiti tallo a mannurat iti makatawen a mangileppas iti nobelada.

Maysa nga ahensia ti gobierno ti NBDB a kangrunaan nga annongenna ti pannakaitag-ay ti kalidad dagiti libro iti Pilipinas.#