Footer

BANNER NEWS: Agparpartuat iti sigarilio, grupo dagiti mannalon, nagpinnirma iti katulagan ti livelihood

LAOAG CITY – Nagpinnirma iti katulagan dagiti organisado a mannalon manipud iti Northern Luzon ken agparpartuat iti sigarilio para iti panagkinnamayetda a mangigannuat kadagiti proyekto para iti pannakapadur-as ti panagbiag dagiti mannalon iti Amianan a Luzon.

Naangay ti panagpinnirma  ti National Federation of Tobacco Farmers and Cooperatives, Inc. (NAFTAC) nga indauluan ni Mario Cabasal, ken ti Mighty Corporation nga imbagian ti presidente daytoy a ni Edilberto  Adan (Ret. Gen.) ken Executive Vice- President Oscar Barrientos (Ret. Judge) sadiay Bauang, La Union itay nabiit.

Kas paset ti consultative meeting iti nagbaetan ti 200 a dadaulo dagiti mannalon ti tabako manipud iti Pangasinan, La Union, Abra, Ilocos Norte, ken Ilocos Sur ken ti Mighty Corporation, impaima dagiti tobacco executives babaen ti Wong Chu King Foundation, Inc. ti 16 a traktora nga agbalor iti P2.5 million ken 90 a bomba ti danum nga agbalor iti P1.1 million kadagiti chapter delegations manipud iti pito a probinsia iti Northern Luzon a pakaibilangan dagiti sumaganad: Pederasion ti Ilocos Norte: dua a traktora ken 12 a bomba ti danum; Ilocos Sur Bantay chapter (2 tractors ken 3 water pumps); Ilocos Sur Candon Chapter (2 tractors ken 20 water pumps), La Union Chapter  (2 tractors ken 14 water pumps), Abra Chapter (2 tractors and 11 water pump), Pangasinan Chapter (2 tractors ken 13 water pumps), Cagayan Chapter (2 tractors ken 5 water pumps), ken Isabela Chapter (2 tractors ken 5 water pumps).

Impasingked pay ti korporasion ti inisial a panaggatangna iti saan a nakurkurang ngem 10 million a kilos ti bulong ti tabako.

Kinuna ni Cabasal a maragsakan iti daytoy a commitment ti Mighty Corporation a gumatang iti 10 million kilos a bulong ti tabako a kinunana a direkta a makatulong kadagiti 65,000 nga agmulmula iti tabako iti pagilian.

Dinayawna pay ti pakaammo ti nasao a korporasion a mangited kadagiti programa nga agbalor iti P10-million a makatulong iti dakkel kadagiti mannalon ti tabako a makapartuat iti nasaysayaat ti klaseda a tabako.

Malaksid ti support farm implements a donasionna kas iti bomba ti danum ken traktora, mangesponsor pay ti korporasion iti 100 a college scholarship grants para kadagiti annak dagiti mannalon ti tabako ken mangipaay iti suporta iti pannakabirok kadagiti outstanding tobacco farmers ken kooperatiba.

Maipublikarto dagiti detalye ti programa ti scholarship ken no kasano a maiyalokar dagiti iskolar sakbay a maipakat daytoy. (Manipud iti report ni Freddie A. Lazaro, PIA 1, Ilocos Norte)

Comments are closed.