Footer

Grade IV pupil, nalmes

VIGAN CITY – Bangkayen ti maysa nga ubing nga agtawen iti sangapulo idi masarakan dagiti nagtitipon a search and retrieval operation teams idi agsapa ti Pebrero 15.

Sakbayna, naireport a mapukpukaw ni Glan Carlo dela Cruz Manlangit, 10, Grade IV pupil ti Tamag Elementary School idi malem ti Pebrero 14 a mapapati nga adda kaduana a napan nagdigos iti Mestizo river a sakup ti Barangay Tamag.

Idi saan a naggawid ni dela Cruz, binirok ti guardianna ket nakitada laengen dagiti bado daytoy a naiwara iti igid ti karayan.

Sinapul dagiti nagresponde a search and rescue teams a pakaibilangan ti Vigan City Police Station, BFP Vigan City, Maritime Police a nakabase iti Mindoro, Vigan City, CDRRMC, PDRRMC ti Ilocos Sur, Red Cross ken ti 81st Infantry Battalion 7ID a nakabase iti Narvacan, Ilocos Sur ti ubing agingga iti alas 11:00 ti rabii ngem saanda a nasapulan.

Intuloy dagitoy ti nangsapul iti biktima iti kabigatanna ket nasarakanda a bangkayen daytoy idi agarup 7:30 ti bigat.#

Comments are closed.