Footer

LGU Cabugao, umawat iti Agri-Pinoy Rice Achiever’s Award

CABUGAO, Ilocos Sur – Maysa daytoy nga ili iti intero a pagilian kadagiti mapadayawan kas maysa kadagiti Outstanding Municipalities and LGU Agri-Extension Workers iti babaen ti National Rice Program ti Department of Agriculture.

Kas impakaammo ni DA OIC-Regional Executive Director Valentino C. Perdido ken ni Mayor Edgardo S. Cobangbang, Jr.,  maysa ti Cabugao kadagiti nakagun-od iti nasao a pammadayaw  babaen ti insayangkat ti DA a  Search for the CY 2013 Agri-Pinoy Rice Achiever’s Award.

Napili ti Cabugao maigapu iti adu a naitulongna iti pannakaipangato ti produksion ti pagay iti Region I idi 2013.

Karaman met a mapadayawan kas Outstanding Agricultural Extension Workers da Municipal Agriculturist Zenaida S. Andrada ken ni  Municipal Rice Program Coordinator Nereo S. Daproza.#

Comments are closed.