Footer

Masuspetsa a nagtakaw iti kuarta, natiliw iti Damortis, La Union

BANTAY, Ilocos Sur –  Nagballigi dagiti polis iti Damortis, La Union a nangsaed iti maysa a lalaki a nangitaray iti kuarta ken selpon manipud iti katrabahuanna iti tiendaan publiko ti Vigan City idi rabii ti Pebrero 29.

Sakbayna, nagpulong ni Kathleen Ann Fernandez y Abo, 22, balasang, natibo ti Barangay Pangapinan, Lingayen, Pangasinan ken agnanaed iti Barangay Aggay, Bantay, Ilocos Sur nga idi agarup 9:30 ti rabii ti Pebrero 19, natakaw ti naglakuanda a kuarta nga agdagup iti P18,000.00 ken ti selponna a Samsung GTE 22 ket sinuspetsana a ni Paolo Ramos, 18, katrabahuanna iti public market iti Vigan City ti nangtakaw kadagitoy.

Idi dida masapulan ti suspek, nagpatulong ni Kathleen Ann iti ikitna nga agindeg iti Pangasinan ket nakikoordinar daytoy kadagiti polis iti Damortis para iti pannakasaed ti bus a nagluganan ti suspek a nagtungpal iti pannakatiliw daytoy.

Naikustodia ti suspek iti Damortis police station sa naipaima kadagiti polis ti Bantay, Ilocos Sur.

Saan a nailanad iti blotter no narekobre ti kuarta ken ti selpon iti ikut ti suspek.#

Comments are closed.