Footer

Nailian a komperensia iti lengguahe ken literatura dagiti Ilokano, maisayangkat

VIGAN CITY – Maangay ti maysa a kumperensia mainaig iti lengguahe ken literatura iti University of Northern Philippines ditoy siudad inton Abril 25-27.

Inlungalong ti Gumil Filipinas (GF) iti pannakitinnulong ti Komisyon sa Wikang Filipino (KWF), National Commission for Culture and the Arts (NCCA), Unyon ng mga Manunulat sa Pilipinas (UMPIL), University of Northern Philippines (UNP), ken LGU Vigan City, maangay ti  Kur-it ken Kurditan: Pambansang Kumperensiya sa Wika at Panitikang Ilokano a pakatamingan dagiti pakaseknan ti lengguahe ken literatura dagiti Ilokano a kas iti ortograpia; panagisagana iti material para iti MTB-MLE; pakaseknan dagiti mannurat nga Ilokano, ken ti pannakaipaset ti literatura dagiti Ilokano iti nailian a literatura babaen ti panangwarwar dagiti mabigbigbig a mannurat, kritiko ken edukador nga Ilokano ken Tagalog.

Ni Dr. Virgilio S. Almario, National Artist for Literature ken agdama a pangulo ti KWF, ti keynote speaker iti nasao a kumperensia a manamnama a dar-ayan dagiti mangisursuro, mannurat, journalists, ken dadduma pay a maseknan nga ahensia ti gobierno.#