Footer

Naririt a kayo, nakumpiska

MAGSINGAL, Ilocos Sur – Nasurok a tallupulo a naririt a kayo a mapapati a maibiahe ti nasalamaan dagiti polis sadiay Barangay San Vicente ditoy nga ili idi agsapa ti Pebrero 15.

Segun iti report, bayat ti panagisayangkat dagiti nagtipon nga elemento ti polis ditoy ken ti CENRO, Bantay iti babaen ti direkta a superbision ni Police Senior Inspector Jaime N. Laguesma, OIC, iti Oplan Sangyaman, nasalamaanda dagiti nasurok 30 a naririt a kayo a di naibaga ti klasena a naipaigid iti abaga ti kalsada a sakup ti Barangay San Vicente ken mapapati nga adda iti kustodia ti maysa a Eulalia Orenciano, residente iti nadakamat a barangay.

Kinumpiska dagiti otoridad dagiti naririt a kayo nga agduduma iti kaatiddog a mapattapatta nga agbalor amin iti P22,000.00 idi awan ti maipakita ni Orenciano a dokumento ti pannakapukan dagitoy.

Naipan dagiti nakumpiska a kayo iti CENRO, Bantay para iti umisu a disposision.#

Comments are closed.