Footer

Reorganization dagiti hog raisers, naangay

MAGSINGAL, Ilocos Sur – Naangay itay nabiit ti reorganisasion dagiti agtartaraken iti baboy iti probinsia ditoy nga ili.

Segun ken ni Marilyn Polca, agriculture techonologist ken livestock inspector designate, nareorganisa ti grupo dagiti hog raisers ditoy nga ili idi Pebrero 5 tapno maaddaanda iti napigpigsa pay a timek para iti  pannakapabileg daytoy a pagsapulanda.

Binayabay ti Departament of Agriculture ken ti committee on trade and industry nga idadauluan ni Konsehal Agustin Pichay ti pannakareorganisa dagiti agtartaraken ti baboy.

Immadu ti aginteres manen nga agtaraken iti baboy ditoy probinsia kalpasan a nangted ni Gov. (idi) Luis “Chavit” Singson iti P1.5 million a pagpuonan dagiti hog raisers.

Itultuloy met ti provincial government nga idadauluan ni Gov. Ryan Singson ti pannakaipakat ti pammilin ti dati a gobernador a saan a pannakaipalubos a maiserrek ditoy probinsia dagiti oversized a baboy nga aggapu kadagiti kabangibang a probinsia ti Ilocos Sur a probinsia tapno matapaya ti industria ti baboy iti probinsia.#

Comments are closed.