Footer

Teknisian, napaturongan iti paltog, natungpa gapu iti susik trapiko

BANTAY, Ilocos Sur – Maysa nga insidente a napasamak ditoy nga ili ti nangpaneknek nga adda latta dagiti tattao  a saan a rumbeng nga agtagikua iti paltog  agsipud ta irresponsible dagitoy ken aramatenda laeng ti armasda iti saan a maikanatad ken posible a pakadangran ti sabali a tao.

Nagreport iti polis ni Edzan Lopez y Bernuela, 26, baro, teknisian/drayber ken residente iti Barangay Boquig, Bantay, Ilocos Sur, a pinaturongan iti paltog ken tinungpa ti maysa a lalaki gapu iti mapapati a susik iti trapiko sadiay Barangay Banaoang, Bantay, Ilocos Sur.

Rimmuar iti panagimbestiga dagiti polis a pinadas ni Lopez a nakalugan iti Dropside Elf nga obertekan ti maysa a puraw a Honda Civic bayat ti panagpaamiananna a direksion ngem mapapati a saan nga impalubos ti suspek.

Gapu ta adda sumungad a PUV nga agpaabagatan, nagsubli ni Lopez iti likud ti kotse.

Pinadas manen ni Lopez nga obertekan ti kotse ngem saan latta nga impalubos ti suspek. Pinataray ketdi ti suspek ti kotsena sana impaigid iti abaga ti kalsada.

Pinara ti drayber ti kotse ken ti babai a kadua daytoy ni Lopez.

Kinuna ni Lopez nga idi insardengna ti luganna, dimsaag ti suspek ket binunotna ti paltogna sana pinaturongan ken tinungpa ti biktima iti namindua.

Mapapati a pinagsawan pay ti suspek ti biktima iti dakes : “___, patayenka ditoy, kayatmo ta paltogak ta ulom!”

Segun pay ken ni Lopez, binirok ti babai a kadua ti suspek ti lisensiana ket idi impakitana, innala daytoy sada nagsubli iti kotse.

Mapapati a dimsaag manen ti suspek iti kotsena, inasutna ti paltogna sana pinaturongan ni Lopez. Kalpasanna, pinakaskasna ti kotse iti agpaamianan a direksion.

Kalpasan ti panagpulong ni Lopez, nangisayangkat ti polis-Bantay iti pursuit operation ken nangipatuloddaiti flash alarm kadagiti sabsabali a police stations para iti pannakasaed ti nasao a lugan ngem negatibo ti resultana.

Iti pannakaisurat daytoy, di pay nabigbig ti suspek ken ti kaduana a babai.#

BANTAY, Ilocos Sur – Maysa nga insidente a napasamak ditoy nga ili ti nangpaneknek nga adda latta dagiti tattao  a saan a rumbeng nga agtagikua iti paltog  agsipud ta irresponsible dagitoy ken aramatenda laeng ti armasda iti saan a maikanatad ken posible a pakadangran ti sabali a tao.

Nagreport iti polis ni Edzan Lopez y Bernuela, 26, baro, teknisian/drayber ken residente iti Barangay Boquig, Bantay, Ilocos Sur, a pinaturongan iti paltog ken tinungpa ti maysa a lalaki gapu iti mapapati a susik iti trapiko sadiay Barangay Banaoang, Bantay, Ilocos Sur.

Rimmuar iti panagimbestiga dagiti polis a pinadas ni Lopez a nakalugan iti Dropside Elf nga obertekan ti maysa a puraw a Honda Civic bayat ti panagpaamiananna a direksion ngem mapapati a saan nga impalubos ti suspek.

Gapu ta adda sumungad a PUV nga agpaabagatan, nagsubli ni Lopez iti likud ti kotse.

Pinadas manen ni Lopez nga obertekan ti kotse ngem saan latta nga impalubos ti suspek. Pinataray ketdi ti suspek ti kotsena sana impaigid iti abaga ti kalsada.

Pinara ti drayber ti kotse ken ti babai a kadua daytoy ni Lopez.

Kinuna ni Lopez nga idi insardengna ti luganna, dimsaag ti suspek ket binunotna ti paltogna sana pinaturongan ken tinungpa ti biktima iti namindua.

Mapapati a pinagsawan pay ti suspek ti biktima iti dakes : “___, patayenka ditoy, kayatmo ta paltogak ta ulom!”

Segun pay ken ni Lopez, binirok ti babai a kadua ti suspek ti lisensiana ket idi impakitana, innala daytoy sada nagsubli iti kotse.

Mapapati a dimsaag manen ti suspek iti kotsena, inasutna ti paltogna sana pinaturongan ni Lopez. Kalpasanna, pinakaskasna ti kotse iti agpaamianan a direksion.

Kalpasan ti panagpulong ni Lopez, nangisayangkat ti polis-Bantay iti pursuit operation ken nangipatuloddaiti flash alarm kadagiti sabsabali a police stations para iti pannakasaed ti nasao a lugan ngem negatibo ti resultana.

Iti pannakaisurat daytoy, di pay nabigbig ti suspek ken ti kaduana a babai.#