Footer

2 natiliw nagtuba iti karayan

CERVANTES, Ilocos Sur – Dua a lalaki ti napilaan iti kaso gapu iti pannakasukalda a nagkalap babaen ti illegal a wagas iti karayan ti Barangay Dinwede West ditoy nga ili idi aldaw ti Pebrero 21.

Iti pannakaisurat daytoy a damag, mabirbirok pay la da Samuel B. Adawe, residente iti Sitio Burayok, ken Berting P. Paredes, residente iti Sitio Tagpoe, agpada a sakup ti Barangay Dinwede West, ditoy nga ili ngem napilaan idan iti kaso nga illegal a panagkalap babaen ti sabidong.

Segun iti report, nalimed a sinurot ni Barangay Kagawad Jun R. Wadawad da Adawe ken Paredes idi limmabas dagitoy iti balayna a nagawit kadagiti paglutuan nga agturong iti karayan.

Bayat ti panagsiim ni Wadawad, nakitana a nangiruar ni Paredes iti botelia, inted daytoy ken ni Adawe ket imbato met daytoy iti karayan.

Madamdama, nakita ni Wadawad a nagpidut dagiti suspek kadagiti timpaw a lames iti karayan.

Dagus a nagreport ni Wadawad ken ni Barangay Captain Leonardo Neyney ket nagturongda iti karayan a nakakitaanda nga adun dagiti ikan a timpaw.

Pinatalgedan ti technologist iti Cervantes Municipal Agriculture Office a nasabidongan dagiti ikan babaen ti insektisidio.#

Comments are closed.