Footer

2 sugarcane squeezers, naited iti San Ildefonso

SAN ILDEFONSO, Ilocos Sur – Kinuna ni Mayor Mark Purisima nga addanton mailako a presko a sugarcane juice kadagiti consumers kalpasan a nangipaay ni Gov. Ryan Singson iti dua a pagpespes iti unas ditoy nga ili.

Kinuna ni Purisima a maysa a sugarcane squeezer ti maiyawat iti Barangay Gungogong tapno adda madadaan nga aramaten dagiti aglaklako kadagiti produkto ti unas iti ilina no adda gumatang iti presko a sugarcane juice.

Maikabil ti sabali nga squeezer iti pasalubong center ti gobierno lokal tapno adda available a presko a tubbog ti unas a mailako iti publiko, kinuna ni Purisima.

Kinuna ti mayor a mangadaldanto pay kadagiti sabali a templa tapno saan laeng a plain sugarcane juice ti mailako.

Naited dagiti dua a sugarcane squeezers kas paset ti programa ni Gov. Ryan Singson a mangpadur-as pay iti OTOP daytoy nga ili.#