Footer

Motorsiklo, natakaw iti ospital

STA. LUCIA, Ilocos Sur – Nagpulong iti polis ti maysa a lalaki a natakaw ti motorsiklona nga imparkingna iti asideg ti Sta. Lucia District Hospital idi malem ti Pebrero 25.

Segun ken ni Rene Cortado y Sagun, 33, naasawaan, ken residente iti Barangay Calungbuyan, Candon City, imparkingna ti motorsiklona a Racal iti asideg mismo ti nasao nga ospital idi agarup 5:00 ti malem iti nadakamat a petsa ket napanna binisita ni misisna a masakit.

Nakita laengen ti biktima nga awanen ti luganna iti nakaiparkinganna idi agarup 4:45 ti bigat ti Pebrero 26 ket sinapulna ngem saannan a nakita isu nga inreportna ti insidente iti polis.

Nangipatulod dagiti polis iti flash alarm kadagiti kaparangetda a police stations ngem negatibo ti resultana.#

Comments are closed.