Footer

Tienda, napuoran

BANTAY, Ilocos Sur – Agdagup iti P50,000.00 ti nadadael a sanikua ken tagilako iti pannakauram ti maysa a tienda sadiay Barangay Taleb, ditoy nga ili idi parbangon ti Pebrero 25.

Segun iti report, nagresponde dagiti bumbero ti Bureau of Fire Protection ken PNP ditoy nga ili apaman a nakaawatda iti tawag a maur-uram ti tienda ni Julieta Mariñas ngem nakontrolen ti uram idi makadanonda isu a mopping operation laengen ti insayangkat dagiti bumbero tapno naan-anayen a madepdep ti apuy.

Iti inisial a panagimbestiga dagiti otoridad, mapapati a nagtaud ti uram iti saksakan ti extension wire ta saanna a nabaelan ti loadna.

Karaman kadagiti napuoran ti refrigerator ken dagiti tagilako iti uneg ti tienda.#