Footer

Ubbing nga agtawen 1-5, nabakunaan

STO. DOMINGO, Ilocos Sur –  Namalaybalay dagiti personnel ti rural health unit ditoy nga ili a nagbakuna kadagiti ubbing para pangontra iti kamuras.

Nabakunaan dagiti ubbing iti pangontra iti measles, mumps ken rubella wenno maaw-awagan iti German measles iti daytoy a panagbalaybalay ti RHU ditoy babaen ti pannakitinnulong dagiti barangay health workers ken barangay nutrition scholars.

Nabakunaan ditoy dagiti ubbing nga agtawen iti manipud iti maysa agingga iti lima a kangrunaan a dalapusen ti measles, mumps ken rubella virus.

Programa daytoy a nagbinnuligan ti Department of Health ken iti lokal a gobierno ditoy nga idadauluan ni Mayor Amado “Lito” Tadena.#