Footer

120,000 fingerlings naiwaras

LINGAYEN, Pangasinan – Aganay 120,000 a tilapia fingerlings ti inkabil ti Provincial Agricultural Office kadagiti karayan dagiti sumagmamano nga ili tapno dumakkel pay ti produksion daytoy a lames iti probinsia.

Kinuna ni Provincial Agriculturist Dalisay Moya a naibukbok dagiti tilapia fingerlings iti karayan ti Balungao, Bolinao ken Malasiqui manipud idi Pebrero 19 agingga idi 21 kas paset iti panangmentener iti dumakdakkel a produksion ti tilapia iti probinsia.

Itay nabiit, pinadayawan ti Bureau of Fisheries and Aquatic Resources ti Pangasinan gapu iti programana a mangisubli iti kinalames dagiti karayan iti probinsia.

Segun iti BFAR, ti laeng Pangasinan ti agmaymaysa a lokal a gobierno a binigbigna babaen ti Gawad Pagkilala Award.#

Comments are closed.