Footer

Dinamita, nasalamaan dagiti polis bayat panagpatroliada

SAN JUAN, Ilocos Sur – Nasalamaan dagiti polis ti dua a lallaki a mapapati nga agpanggep nga agbongbong bayat ti panagpatroliada iti igid ti baybay ti dua a coastal barangays ditoy nga ili idi agsapa ti Marso 7.

Naammuan iti report a bayat ti panagpatrolia dagiti polis nga indauluan ni Police Inspector Danilo Viloria Valoria, DCOP, iti igid ti baybay ti Barangay Solotsolot ken Barangay Surngit, nasalamaanda ti dua a lallaki a kellaat a nagtaray iti kabakiran a paset ti Sitio Raois, Barangay Surngit.

Nakakita dagiti polis iti maysa a bungon iti naggapuan dagiti lallaki ket idi sinukimatda, maysa gayam a botelia ti Emperador Brandy a napunno iti pulbora ken maysa a blasting cap a maar-aramat iti panagbongbong.

Sinawar dagiti polis dagiti di nabigbig a lallaki ngem saandan a nasapulan dagitoy.

Naipan ti eksplosibo iti police station para iti umisu a disposision.#

 

Comments are closed.