Footer

3 natiliwan a nagkalap iti fish sanctuary

SAN ESTEBAN, Ilocos Sur – Tallo a mangngalap ti tiniliw dagiti polis gapu iti panagkalapda iti fish sanctuary iti paset ti kabaybayan a beddeng ti Barangay Bateria ken Apatot ditoy nga ili idi parbangon ti Marso 19, 2014.

Nabigbig dagiti natiliw a da Shery Daproza y Diego, 38, naasawaan; Patricio Diego y Costales, 44, naasawaan; ken Gideon Daproza y Diego, 29, naasawaan, agpapada a residente iti Barangay Lingsat, Sta. Maria, Ilocos Sur.

Naammuan iti report a bayat ti panagpatrolia da PO1 Joenhel Padtoc Murillo ken ni PO1 Allen Bacati Yagyagen a nakalugan iti demotor a bangka, nasukalanda  dagiti tallo nga agkalkalap iti fish sanctuary.

Tiniliw dagiti polis dagiti mangngalap sada impan dagitoy iti police station agraman ti compressor ken dadduma pay a fishing gadgets nga inaramatda nga agkalap, ken ti tallo kilos a nakalapanda a nadumaduma ti klasena a lames.#

 

Comments are closed.