Footer

Balo, sinerrek mannanakaw

SINAIT, Ilocos Sur – Sinerrek ti mannanakaw ti balay ti maysa a balo sadiay Barangay Pug-os ditoy nga ili idi rabii ti Marso 16 ket intarayna ti singsing ti biktima.

Segun iti blotter manipud iti polis ditoy, idi agarup 10:30 ti malem ti nadakamat a petsa, sinerrek ti nakabonite a lalaki ti balay ni Virginia Imperio y Corpuz, 69, balo, ket tinutokanna iti imuko ti biktima sana imbilin ti panangiruar daytoy iti kuartana.

Mapapati a nagpaarayat ketdi ti biktima a namkuatan ti suspek a nangitugtog ti ulo ti biktima iti diding sana dinanog daytoy ken pinorsar nga inuksot ti 21 karat a balitok a singsingna nga agbalor iti sumurok kumurang P5,000.00.

Kalpasanna, nagtaray ti suspek iti kusina sa naglibas nga immadayo.

Naipan ti biktima iti Sinait District Hospital para iti pannakaagas ti dunorna.#