Footer

Pugon, dimmapo

SALCEDO, Ilocos Sur – Dimmapo ti maysa a pugon a mapapati a nagtaud iti simgiab a bulong ti tabako sadiay Barangay San Gaspar ditoy nga ili bigat ti Marso 17.

Naammuan iti report a malaksid iti nasao a pugon a kukua ti maysa a Dominador Bang-asan y Gabayan, naasawaan, residente iti nadakamat a barangay, nairaman a dimmapo amin dagiti malutluto a bulong.

Nagresponde dagiti bumbero ngem nupay nadepdepda ti apuy, saandan a naikaluya ti pannakapadapo dagiti bulong ti tabako.

Mapapati a nagtaud ti uram iti natinnag a bulong iti heater ket simgiad daytoy a nangsilmut iti diding ket nagramaram ti apuy agingga iti dimmapo ti pugon agraman dagiti bulong ti tabako.

Mapattapatta nga aganay a P70,000.00 ti pateg ti dimmapo a bulong ti tabako.#

 

Comments are closed.