Footer

Tugtugaw, lamisaan, computers, naiwaras

VIGAN CITY – Agdagup iti 2,185 a tugtugaw, 126 a lamisaan ken computers ti inwaras ni Gov. Ryan Singson itay nabiit para kadagiti nadumaduma a pagadalan publiko iti probinsia.

Segun iti gobernador,  tugtugaw ken lamlamisaan ti kangrunaan nga inwaras ti gobierno probinsial agsipud ta dagitoy ti kiniddaw dagiti agtuturay iti pagadalan ken umadanin ti graduation a pakaaramatan dagitoy.

Nagiwaras pay ni Singson iti kumpleto a computer units para iti Guimod Elementary School,  Bulag Elementary School, Nansuagao Primary School, Tagudin Central School ken Cabugao District Office.

Kinuna ni Singson nga adda pay inorderna a 40 a computers a sumaruno nga iwarasna kadagiti pagadalan.

“Kasapulan a pamiliaren dagiti ubbing iti panagkiumputer agsipud ta aminen nga opisina ket agus-usaren iti kompiuter,” kinuna ni Singson.#

Comments are closed.